Хурматли Сойибжон Оривжонович
Сизни ҳаётингиздаги чинакам баркамоллик палласи - таваллуд топган кунингизнинг 50 йиллиги билан, Ўзбекистон Республикаси Президенти Администрацияси ҳузуридаги Тиббиёт бош бошқармаси номидан самимий табриклайман. Сизнинг ғайрат-шижоатга тўла, самарали мехнат фаолиятингиз кўпчилик учун ибрат ва фидойилик намунаси бўла олади.
Қаерда ва қайси лавозимда ишламанг, ўзингизни ташкилотчилик, ҳар кандай вазифага катта масъулият ва жавобгарлик билан ёндошадиган қатъиятли инсон, ўз касбининг моҳир устаси, ёш кадрларнинг ғамхўр ва меҳрибон устози сифатида намоён этмоқдасиз.
Сиз сабот-матонат билан мақсад сари интилишингиз, юкланган вазифаларни сидқидилдан адо этишга ўта зийраклик билан ёндошишингиз туфайли нихоятда нозик ва масъулиятли хизматда каттаю-кичикнинг ҳурмати ва мехр муҳаббатини қозондингиз.
Қадрли Сойибжон Оривжонович!
Сизни таваллуд кунингиз билан яна бир бор самимий қутлар эканмиз, сизга узоқ умр, мустаҳкам соғлиқ, оила бахти ва фарзанд-у зурриёдлар камолини тилаймиз. Эл-юртимизга хизмат қилиб асло чарчаманг. Ҳамиша меҳнатларингизнинг роҳатини кўринг!
Самимий ҳурмат билан.
Ўзбекистон Республикаси
Президенти Администрацияси
ҳузуридаги Тиббиёт бош
бошқармаси бошлиғи
